Hvers virði er auglýsing ef markhópurinn sér hana ekki?

Við lítum á birtingar auglýsinga sem miðju auglýsingaferlisins. Birtingarstjóri kemur að verkefnum frá byrjun til enda; frá markaðsgreiningu að birtingu auglýsingar. Auglýsingamiðlun leggur áherslu á sterkt samband birtingastjóra, viðskiptavinar og auglýsingastofa, sem hámarkar áhrif auglýsinga. Við erum í góðu sambandi við alla helstu fjölmiðla landsins og leggjum mikið upp úr því að þekkja kosti og galla hvers miðils fyrir auglýsandann.  

Markmið okkar er að finna hagstæðustu birtingaleiðina fyrir hvert einstakt verkefni. Ein birtingaleið hentar einu verkefni, ekki næsta og er það verkefni okkar að finna bestu leiðina hverju sinni. Hár afsláttur af listaverði fjölmiðils hljómar vel en hentar ekki alltaf tilteknu verkefni. Fjölmiðillinn verður að samræmast markmiði birtingar.

Ef markhópurinn er ekki sterkur innan fjölmiðilsins er góður afsláttur einskis nýtur. Verkefni Auglýsingamiðlunar er m.a. að finna hagstæðasta snertiverðið og stýra birtingaáætlun rétta leið.  

Auglýsingamiðlun vinnur með helstu markaðsrannsóknarfyrirtækjum landsins og kaupir meðal annars markaðsgögn frá Capacent Gallup sem er undirstaða allra birtingaverkefna.