You Are In Control ráðstefnunni lauk í gær og var yfirskrift hennar The digital revolution shakes the creative industries What´s to be Gained, Lost and Learned?  Fjölmargir fyrirlesarar tóku til máls má þar nefna Paul Bennet frá IDEO, Oisin Lunny frá Habbo, Guðjón Már Guðjónsson frá Hugmyndaráðuneytinu og  Dave Birss frá Ogilvy London. Fjölbreyttar pallborðsumræður áttu sér stað þar sem margir tóku þátt og var rætt margt sem tengist dreifingu tónlistar, markaðssetningu og internetinu. 
 
Paul Bennet ræddi meðal annars um hvenig það sem áður var kallað neðanjarðar í ýmsum skilningi sé nú allt komið á yfirborðið og að það hræði hann.  Hann talaði einnig um að ýmsir samfélagsmiðlar eins og Facebook og Twitter séu góðir miðlar svo lengi sem fólk heldur sig við leikreglur slíkra samfélaga.  Það gangi ekki að fara inn og ætla sér að stunda sölumennsku heldur sé þetta samfélag til að fá upplýsingar og mynda tengsl. Ítarlegra viðtal má sjá við Bennet hér. 

Dave Birss frá Ogilvy ræddi meðal annars um félagslega markaðsfærslu og hvernig nauðsynlegt sé að byggja upp tengsl við neytendur.  Það að öskra skilaboð út í loftið í 6 vikur eins og hann orðaði það sé ekki málið í dag. Hann ræddi um mikilvægi þess að hlusta og læra því það væri auðvelt að gera stór mistök með því að misskilja markhóp sinn.  Hér má finna twitter síðu Birss.