Í síðustu viku var fyrsti þáttur Idol - Stjörnuleitar á Stöð 2 og úrslit í Söngvakeppni Sjónvarpsins.  Þegar skoðað er sjónvarpsáhorf meðal 18–35 ára og 25–45 ára kemur í ljós að tveir efstu dagskrárliðirnir á topp 10 listunum eru Söngvakeppni Sjónvarpsins og Spaugstofan líkt og í síðustu vikunni sem við settum hér inn, sem var vika 5.  Top Gear,  sem sýndur er á sunnudagskvöldum á Skjá 1, er vinsælasti þáttur þeirrar stöðvar í þessum hópum. Á sama tíma er þátturinn í þriðja sæti á top 10 lista þessa vikuna hjá báðum hópunum.  

Áhorf jókst á lögfræðidramað Réttur á Stöð 2 í báðum hópum. Þátturinn er orðinn enn vinsælli hjá 25 – 45 ára og komst inná top 10 listann hjá 18 – 35 ára.  Idol-Stjörnuleitin var í fimmta sæti hjá báðum hópum og verður áhugavert að fylgjast með hvernig áhorfið þróast á næstu vikum.   Þessa vikuna skoðuðum við líka markhópinn 30 – 60 ára. Söngvakeppnin og Spaugstofan voru áfram í fyrstu tveimur sætunum, en Útsvar tók sér þriðja sætið.  Meira er af fréttatengdu efni inná á topp 10 listunum hjá þessum hópi fólks,  þar sem fréttir, veður og Kastljós hjá RÚV voru á top 10 listanum, sem og fréttir Stöðvar 2.

Nánari áhorfstölur má finna hér.