Út er komið “hvað er í gangi” dagatal Auglýsingamiðlunar fyrir árið 2009 og munu viðskiptavinir og samstarfsaðilar okkar fá það til sín innan skamms. Í þessu dagatali höfum við tekið saman helstu atburði hvers mánaðar fyrir sig, atburði sem auglýsendur notast oft við í markaðsefni sínu yfir árið. Atburðirnir eru allt frá því að vera þjóðlegir, skemmtilegir, árlegir, ómerkilegir, nýstárlegir og eða bara mjög augljósir.  Hins vegar allt atburðir sem að markaðsfólk ættu að vera með á hreinu til að fylgja tíðarandum hverju sinni. Dagatalið í heild sinni má sjá hér.

Í janúarmánuði er til dæmis bóndadagurinn sem er jú vissulega mismerkilegur atburður hjá (hús)bændum landsins en þá hefst einnig þorrinn. Í febrúar er svo komið að bollu- , sprengi- og öskudeginum, auk þess sem að gerð skattskýrslunnar á hverju heimili er orðinn órjúfanlegur hluti þessa mánaðar.  Í mars getur fólk hins vegar slakað á, vorið á næsta leyti, skellt sér á tónleika, til dæmis á Blúshátíð Reykavíkur eða á Músiktilraunir.