SONY fyrirtækið hefur hafið herferð sem má segja að hafi strax vakið mikla athygli erlendis.  Eftir að hafa birt sk."teasers"- stríðnisauglýsingar í nokkrar vikur og komið nokkrum myndböndum inn á YouTube er aðal auglýsingin komin í loftið. Hér er á ferðinni Froðuborgin, e. Foam City, og er auglýsingin algjört augnakonfekt. 


Leikstjóri auglýsingarinnar er Simon Ratigan og var hún tekin upp í Miami í Bandaríkjunum.  Auglýsingastofan Fallon London sá um gerð hennar og Warren Ellis gerði tónlistina.

Hér má sjá auglýsinguna á YouTube og hér má sjá myndir frá því þegar auglýsingin var gerð.  Þetta er þó ekki fyrsta auglýsing SONY þessar tegundar en fyrir nokkrum árum kom þessi hér út á þeirra vegum.